Plantun de Prouvènço

Pèr coumpara dos planto d'encò nostre

Dianthus armeria & Stellaria nemorum

Dianthus armeria

Caryophyllaceae

Noms en français : Oeillet arméria, Oeillet velu.

Descripcioun :
La girouflado-à-bouquet, qu'èi coumuno soulamen dins la Prouvènço séusouso, trachis sus li tepiero un pau umido e li sablas. La planto èi pelouso, ramificado en aut e acabado pèr uno enflourejado de 2 à 8 flour. Aquéli se recounèisson eisa emé si petalo roso à poupro, tacado de blanc e descoupado. Li bratèio pounchudo soun mai longo que li sepalo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Renadivo mounoucarpico

Gènre : Dianthus
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun
Jun à avoust

Liò : Tepiero umido - Sablo - Terraire safrous
Estànci : Termoumediterran à Coulinen
Couroulougi : Éurosiberiano
Ref. sc. : Dianthus armeria L., 1753

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.